正在加載......
無標題文件

X
 
會員帳號 :
會員密碼 :
忘記密碼    加入會員

首頁_左_教學教材_教案

無標題文件

首頁_左_本土輔導團

無標題文件
| 本土輔導團 |

首頁_左_計數器

無標題文件
     
  Facebook  
     
  屏東縣政府  

       
  參訪人數  

補充教材_閩_本土歌謠top

無標題文件
 

本土歌謠

屏東縣本土語言閩南語資源中心網站
 

閩南語作品集
1. 八 卦 紅 2.
3. 中秋禮盒 4. 天公伯仔潮東國小
5. 月娘 6. 竹張草花
7. 刺藤球 8. 刺藤球2
9. 拋荒 10. 阿婆坐火車
11. 12. 春2
13. 風吹 14. 香芳
15. 記憶中的萬年溪 16. 記憶中的萬年溪2
17. 猴仔做大王 18. 幌椅
19. 落雨 20. 過年
21. 22. 錯亂
23. 懷念萬年溪 24. 露螺
 
 
閩南語故事集
1. 一人一家代,公媽隨人裁 2. 一句話三斤六重
3. 一點也貓,百點也貓
4. 二e5旋,惡甲無人問
5. 人兩跤,錢四跤 6. 大舌閣興啼
7. 毋通看貓的無點
8. 生雞卵的無,放雞屎的有
9. 目金,錢做人 10. 青盲不驚銃
11. 洗面,到耳
12. 食魚食肉,也著菜佮
13. 師公較gau5和尚 14. 喙飽目睭枵
15. 學好龜爬壁,學壞水崩山
16. 錢死人無代
17. 講一e5影,生一e5囝    
 
台灣歌謠(田調)
84歲 黃何英 女士 (前鄉長黃昇棋的母親) 採訪日期 88.12.10 ( 魏水明採錄 )
1. 火日上樑隨時開。賢弟無賺再擱來。
金針不見豆腐內。後璧豆園受遭災。
2. 原料做來要算帳。手提算盤直撩撩。
是你原料做早了。嘸是小妹來先僥。
3. 原料做了要返倒。一聲小妹兩聲哥。
吩咐親哥擱來做。嘸知有影亦是無。
4. 原料做來轉基鄉。一頭包袱一頭箱。
阿君轉去著識想。嘸通扑某來累娘。
5. 為娘掛調險險死。一頓吃無半湯匙。
有叫先生節脈理。症頭臨臨嘸敢醫。
6. 為娘掛調桃花痟。倒落眠床直撩撩。
朋友來看真見笑。身邊無柺企袂著。
7. 吃菸敬人人不知。田中無水莫開池。
心下不忠做惡事。前因前途被人欺。
8. 菜瓜開花滿棚黃。陳奇病落袂起床。
有心鑾英走來看。卜吃茶湯緊來煎。
茶湯煎好捧入房。陳奇嘸吃磽苦人。
9. (女)
雙手尖尖鳳一飛。問君出外佇時回。
路邊野草君莫採。代念家中一枝梅。
(男)
心在江湖心在家。少年妻子一枝花。
家中父母年又老。趁無錢銀不回家。
10. 火金星 火金星,十五暝,請恁姨姐來吃茶;
查芳芳,茶米甕,甕大妗,
做媒人, 做幾房?做二房;
大房人宰豬, 小房人宰羊,
拍鑼拍鼓娶新娘, 新娘著火燒,
子婿噗噗跳,跳到田中央;
一尾鯽四人扛,扛入廳,拜阿兄,
阿兄無穿裙,拜龍船,龍船噗噗飛,
拜茶鍋,茶鍋熗熗滾,拜米粉。
11. 月光光 月光光,秀才郎,走白馬,過南塘;
南塘水心不著過,掠貓來算貨,
算不著,舉竹篙弄來鴞;
來鴞重,擔箸籠,箸籠輕,擔菅瑧;
菅瑧浮浮觸到牛,牛咩咩哮,觸著狗,
狗訇訇吠,吠恁田老爹,返來吃飯;
飯未煮,要吃米,米未碾,要吃雞,
雞未宰,要吃鳳梨,鳳梨未錂,要吃阿婆尻川爿;
阿婆爬上璧,兩粒奶赤赤赤。
12. 一隻雞仔早早啼
一隻雞仔早早啼,做人的新婦早早起,
入大廳,擦桌椅,入房間,繡針黹,
入灶腳,洗碗箸,謳咾兄,謳咾弟,
謳咾親家親姆賢教示;
吩咐三,吩咐四,吩咐親家親姆來看戲;
請會來辭袂去,後壁溝,一區紅蕃薯,
吃佮有頭共無蒂。
13. 送哥
一送送哥到床刀。雙手攬來是親哥。
親哥一時會轉倒。放掉小妹無奈何。
二送送哥到房外。二人相牽來詛咒。
阿君先僥雷槓死。我娘先僥浸火池。
三送送哥到大廳。一隻黑狗吠三聲。
手提飯丸塞狗嘴。恰意親哥毋通吠。
四送送哥到大埕。一塌黑雲遮半棚。
我娘跪落臨時拜。望雲予開予哥來。
五送送哥到魚池。看到青蛙攬青池。
阿君看到佮娘比。親像昨晚係當時。
六送送哥到車頭。送哥有去無回頭。
予阮越想目屎越流。
七送送哥到車頂。雙手扳落窗仔前。
夭壽車長這僥倖。嘸敢加停五分鐘。
八送送哥到車內。二人要哭無人知。
想要佮哥結某婿。毋知佮哥分東西。
九送送哥到中央。二人來哭無人勸。
想要佮哥結久長。無意(字)佮哥分東方。
十送送哥台北府。舉頭著看哥個厝。
佮哥相好又這久。一個先僥做牢櫥。
14. 六更
一更更鼓月照山。手牽哥手摸心肝。
阿哥問娘要按怎。隨在望哥你心肝。
二更更鼓月照埕。手牽哥手相伴行。
二人相好相疼痛。恰大細事娘知影。
三更更鼓月照窗。手牽哥手入繡房。
二人相好有所望。毋通僥心跟別人。
四更更鼓月照門。手牽哥手入繡床。
二人相好相倚望。恰大細事娘擔當。
五更更鼓雞在啼。手牽哥手早早去。
**************。恁厝某子帶念你。
六更更鼓天在光。手牽哥手卜起倒。
因厝某囝叫吃飯。隨在望哥你心肝。
15. 做雞做鳥無了時。緊緊出世富家人孩兒。


台灣歌謠(田調)
88.1.16 邱慶泉
1. 佮妹約束甘蔗溝。甘蔗打結做號頭。
嘸知誰人(壞心)共阮解(讀透)。害阮一人散一溝。
2. ◎ 一邊看過彼邊崙。看著阿娘紅嘴唇。
小姐袂笑革(裝ㄍㄧㄝ)嘛悶(ㄇㄚㄇㄣ)。
害死青春囡 仔屯。
3. (男)
空課(工作)做了會算帳(音肖)
。手夯算盤心著憔(音ㄐㄧㄠ)。
是咱空課(工作)先做了( ㄌㄧㄠ)。
不是我君殆(音ㄉㄞ)先梟(ㄏㄧㄠ)。
(女)
空課(工作)做了卜(ㄇㄧㄟ)轉倒。
一時離別我親哥。
等待後日哪(ㄋㄚ)箇(再,音ㄍㄜ)做。
正來批信寄予(ㄏㄛ)哥。
4. 孝子淚哀哀。
摩訶不敢來。
竹節連根拔。
送伊上天台。
(孝杖)
5. 未卜先知一路行。竹腳經過寺方聲。
女人抱子去算命。三月初三酉時生。
(上等好酒) 猜一食物。
6. 小妹嫁尪兄歡喜。那使叫人來通知。
卜剪麻布七尺二。卜共小妹掛轎邊。
7. 大隻牛港細條索。大漢娘仔細漢哥。
這是阿娘不識寶。細粒干祿較賢遨。
8. 細條醃瓜較有子。小格雞仔較快啼。
若是給娘會過意。怎小粒子也值錢。
9. 猛虎帶在房間內。半暝展威無人知。
阿君驚到心肝歹。含眠不時喝虎來。
10. 頂暗含眠叫娘名。阮某知影我真驚。
若有來問講無影。嘸通卜與伊輸贏。
11. 要嫁翁、要嫁翁。嫁著一個老大人。
嘴鬚長長好拌蠓。夏痀咳欶氣死人。
規暝不睏蠕蠕動。叫人把伊弄玎璫。
卜知嫁翁這艱難。阮也嘸敢想嫁翁。(丑)
12. 阿娘生水嘸免慡(ㄙㄤ)。親像路邊菝仔欉。
菝仔未熟人則掐(ㄉㄚㄥ)。掐到若熟百百孔。
13. ◎ 阮厝惦在娘厝後。不時看娘在探頭。
情意總有九分九。路邊相遇頭勾勾。
14. ◎ 見到查某則想愛。行到菜店則想開。
少年身命若扑歹。透風落雨你就知。
15. 天頂落雨粒粒墜。粳(ㄉㄧㄥ)米縛粽袂做堆。
舊年佮娘無熟識。今年佮娘分袂開。
16. 天頂落雨粒粒墜。粳(ㄉㄧㄥ)米縛粽袂做堆。
舊年佮君毋相捌。今年佮君分袂開。
17. 新做眠床軟甚甚。中央一堵是安金。
會得兩人睏共枕。較好露水凍花心。
18. ◎ 芙蓉開花會結子。願佮阿哥結百年。
誰人先梟雷扑死。做火車擋路旁屍。
19. 芙蓉開花會結子。願佮阿哥結連理。
誰人先梟雷扑死。做火車擋路旁屍。
20. 鷹爪開花真是芳。世間出有僥雄人。
會僥袂僥無地看。相信我是紅心肝。
21. 一條手巾繡牡丹。卜送阿君去播田。
阿君播田倒退行。我娘十分可憐兄。
22. 甘蔗開花親像菅。娘仔祖家是唐山。
獻出真情予哥看。免得扑痞哥心肝。
23. 一盆好花鷹爪桃。準備一蕊卜予哥。
是哥金喙毋敢討。有哥的額免驚無。
24. 人講春寒秋後熱。算來無久就會煞。
君來做田我做岸。較贏富貴做大官。
25. 我娘佮君斷約定。勸君安心毋免驚。
娘若嫁君做某囝。佫較艱苦我著行。

※人生之歌
1. 世間親像大戲台。苦出笑詼攏公開。
一生一人演一擺。本事攏愛提出來。
2. 世間過日像眠夢。苦多甘少攏相同。
實在人無千日好。看來花無百日紅。
3. 好花苦伊不長開。好月苦伊不長圓。
好夢心適快打醒。做人得意有幾時。
4. 今日好運水流東。明日失運水流西。
順風駛船人人愛。除風箭水人人哀。

※處世之歌
1. 火舌塊炎無若久。火炭燃過變火灰。
世間萬項大小事。未曾想贏先想輸。
2. 金蠅也簪美花蕊。蝴蝶看著緊飛開
實在真正不死鬼。汝的地場在糞堆。
3. 一枝鳥銃是烏柴。夯去山頭打烏鴉。
烏鴉好鳥嘸通打。夯去樹尾打筆貓。
.

※尊米之歌
1. 米飯一粒都拾起。打損五穀雷槓死。
袂再做人去出世。會出世做牛馬去。

※事業之歌
1. 魚目混珠一半擺。玻璃假鑽人快知。
寧通脫褲去圍海。手路有時做會來。
2. 人心不足蛇吞象。傷過貪心無尾留。
錢銀用趁莫用搶。買賣公平心清幽。
3. 買賣公平即應該。稱頭亂喝賊仔才。
搶去好額汝都愛。春錢無通過後代。
?


gotop